Te Partizani nuk iu “besojnë syve”

Futboll

Te Partizani nuk iu “besojnë syve”

Më: 3 tetor 2025 Në ora: 10:04
Partizani-Tirana nga sezoni i kaluar

Derbi mes Partizanit dhe Tiranës “paralizon” kryeqytetin. Të kuqtë dhe bardheblutë do të sfidohen mes tyre për herë të parë në këtë sezon, teksa në “Air Albania”, ora 19:00 do të bëjnë llogaritë e fitores.

Një sfidë e cila merr vëmendjen e të gjithë tifozëve, me këto të fundit që pritet të dhurojnë spektakël në tribuna.

Gjithmonë derbiet mes dy ekipeve të kryeqytetit kanë qenë të luftuara dhe si i tillë pritet të jetë edhe ky i ditës së sotme.

Momenti “Jo” që po kalojnë ekipet e bën këtë përballje edhe më të luftuar, pasi skuadrat enden në zonën e ftohtë në klasifikim.

Një duel ku kërkohet të “shkelmohet” kriza ku ndodhen dhe për këtë bastet e kompanive kanë një “fitues”.

Sipas basteve Partizani është skuadra favorite. Fitorja e të kuqve kuotohet me 2.1, ndërsa ajo e bardhebluve ka vlerën e 3.4 dhe barazimi kuotohet me 3.15.

comment Për komente lëvizni më poshtë
Sot mund të lexoni Shfletoni kopertinat