Cesc Fabregas e ka me Kosovën: Na befasojë

Futboll

Cesc Fabregas e ka me Kosovën: Na befasojë

Më: 23 nëntor 2025 Në ora: 11:26
Cesc Fabregas

Torino do të përballet me Comon në ndeshjen e vlefshme për javën e 12 të Serie A. 

Trajneri i Comos ka folur për mediat përpara këtij takimi, duke u ndalur te cilësia e Asllanit dhe te arritja historike e Kosovës.

Fabregasi e ka cilësuar Kristjan Asllanin si një lojtar të shkëlqyeshëm, ndërsa më tej ka komentuar edhe mbërritjen në ‘play off’-in e Kupës së Botës të Vojvodës me fanellën e Kosovës.

“Torinoja është një skuadër që luan me një 5-3-2, ka mbrojtësa me përvojë. Asllani ka shënuar dhe vjen nga Interi.

Është një lojtar i shkëlqyer.

Skuadra është e mirë-organizuar. Vojvoda do të luajë në ‘play off’ me Kosovën? Ekziston presioni. Kjo është gjëja më e mirë, tregon se po lufton për diçka.

Sa për Vojvodën, ishim në restorant, pamë shortin dhe ai ishte shumë i qetë. Për Kosovën është një dhuratë. Ata shpresojnë që të bëjnë historinë dhe të na befasojnë”, ka deklaruar ndër të tjera Fabregas.

comment Për komente lëvizni më poshtë
Sot mund të lexoni Shfletoni kopertinat