Valverde, një “Casemiro i dytë”?

Futboll

Valverde, një “Casemiro i dytë”?

Më: 30 nëntor 2025 Në ora: 12:27
Valverde

Spekulimi më i bujshëm i ditëve të fundit për merkaton dalëse të Real Madrid është për mesfushorin Valverde.

Uruguaiani nuk po kalon ditët e tij më të mira në Madrid. Mesfushori, ndryshe nga sezonet e kaluara, nuk konsiderohet i paprekshëm nga trajneri Xabi Alonso.

Për Alonson, Valverde është i rëndësishëm, por jo esencial. Kjo duket qartë kur sheh mënyrën sesi ai rreshton skuadrën: Valverde ka vend, por jo gjithmonë aty ku ai luan më mirë, në mesfushë.

Kjo “ecejake” rolesh në mesfushë nuk i pëlqen Valverdes, i cili nuk ndihet i vlerësuar në Madrid.

Manchester United po tenton ta blejë në merkaton e verës, një situatë e ngjashme me mesfushorin Casemiro vite më parë. A është e vështirë? Po, por jo e pamundur, nëse anglezët ofrojnë 100 mln euro.

comment Për komente lëvizni më poshtë
Sot mund të lexoni Shfletoni kopertinat