Interi i Chivu në krizë në ndeshjet e mëdha

Futboll

Interi i Chivu në krizë në ndeshjet e mëdha

Më: 10 dhjetor 2025 Në ora: 18:49
Pamje nga ndeshja

Interi i Cristian Chivu po has vështirësi serioze këtë sezon sa herë përballet me kundërshtarë të nivelit të lartë. Humbja e fundit 0-1 ndaj Liverpoolit në “San Siro”, në raundin e gjashtë të Champions League, vulosi edhe një herë një trend shqetësues: zikaltrit po shemben në ‘Big Match’-e.

Edhe pse Interi nuk e meritonte disfatën ndaj anglezëve, mes polemikave për vendimet arbitrale dhe rasteve të humbura, rezultati final tregon një tjetër humbje, e dyta radhazi në Europë. Por panorama bëhet edhe më alarmante nëse shikojmë ecurinë e skuadrës që nga fillimi i sezonit: pesë humbje në përballjet direkte, mes Serisë A dhe Champions League.

Interi ka pësuar pesë disfata në ndeshjet e mëdha:

Juventus – Inter 4-3 (3° javë, gol vendimtar i Adzic në 91’)

Napoli – Inter 3-1 (8° javë, në “Maradona”)

Inter – Milan 0-1 (12° javë, derbi i humbur në “San Siro”)

Atletico Madrid – Inter 1-0 (goli në minutën 93’)

Inter – Liverpool 0-1 (në Champions, humbje e dytë radhazi)

Rezultate të ndryshme, por me një model të qartë: Interi i Chivu nuk po reagon dot në momentet e mëdha, duke humbur pikë dhe reputacion.

Në total, zikaltrit kanë marrë vetëm një fitore në ‘Big Match’-e këtë sezon: Roma – Inter 0-1 në transfertë më 18 tetor.

Një bilanc i varfër për një skuadër që synon titullin në Serie A dhe kalimin e raundeve në Champions League. Chivu duhet të gjejë urgjentisht zgjidhjen, sepse tendenca aktuale është alarmante dhe rrezikon t’i kushtojë shumë Interit në objektivat sezonalë.

comment Për komente lëvizni më poshtë
Sot mund të lexoni Shfletoni kopertinat