Moggi i ashpër pas eliminimit: Duhet revolucion, rifillim nga zero

Futboll

Moggi i ashpër pas eliminimit: Duhet revolucion, rifillim nga zero

Më: 2 prill 2026 Në ora: 12:39
Luciano Moggi

Luciano Moggi ka lëshuar akuza të forta ndaj sistemit të futbollit italian, duke theksuar se skandali i Calciopoli i dha fund një epoke të artë.

Në një intervistë për “Radio Tutto Napoli”, ai deklaroi se pas vitit 2006, futbolli italian ka hyrë në rënie të vazhdueshme.

“Që nga Kupa e Botës 2006, me pasojat e Calciopoli, futbolli italian ka mbaruar”, u shpreh Moggi.

Ai shtoi se rezultatet e dobëta të kombëtares së Italisë janë pasqyrë e një sistemi që nuk funksionon si duhet.

Ish-drejtuesi kritikoi edhe drejtuesit aktualë, duke kërkuar ndryshime të menjëhershme. 

“Na duhet një revolucion i vërtetë dhe një rifillim nga zero”, theksoi ai, duke përmendur edhe emra si Gabriele Gravina dhe Andrea Abodi si përgjegjës për situatën aktuale.

comment Për komente lëvizni më poshtë
Sot mund të lexoni Shfletoni kopertinat