Trajneri fal Keidi Baren:

Futboll

Trajneri fal Keidi Baren:

Më: 26 prill 2026 Në ora: 17:14
Keidi Bare

Keidi Bare ishte pjesë e një incidenti fundjavën e shkuar duke qenë se zëvendësimi nuk u prit mirë dhe u përfshi në një tension me trajnerin dhe tifozët.

Megjithatë mediat spanjolle bënë të ditur se mesfushori i kishte kërkuar falje trajnerit të tij në stërvitje dhe një ditë më vonë, ka folur edhe para skuadrës ku ka kërkuar falje për veprimin e bërë sidomos për faktin se te Real Zaragoza, ai ëshët edhe zv.kapiten i skuadrës.

Së fundmi, trajneri i Zaragozës, David Navarro ka folur para mediave për këtë situatë duke e konsideruar temë të mbyllur.

“Çështja as nuk është diskutuar. Është thjesht pjesë e lojës. Plotësisht e natyrshme. Unë duhet të marr vendime, unë mora një, dhe është brenda sferës së mundësisë.

Ekipi e kupton se kjo është bërë duke pasur parasysh të mirën e ekipit, edhe nëse ka përparësi mbi interesat individuale”, tha trajneri për incidentin duke lënë të kuptohet se nuk janë marrë masa administrative për mesfushorin shqiptar.

comment Për komente lëvizni më poshtë
Sot mund të lexoni Shfletoni kopertinat