Kush janë rivalët e Egnatias në Ligën e Kampioneve?

Futboll

Kush janë rivalët e Egnatias në Ligën e Kampioneve?

Më: 16 qershor 2026 Në ora: 16:45
Petrokub

Egnatia do të përballet me skuadrën moldave të Petrokub Hinçeshti në turin e parë kualifikues të Ligës së Kampioneve.

Skuadra kundërshtare nuk është ndër më të vështirat e mundshme që rezervonte shorti pasi klubi në fjalë, nuk ka shumë eksperiencë në Ligën e Kampioneve meqë në historinë e tij 26 vjeçare ka fituar vetëm dy herë titullin, në vitet 2024 dhe së fundmi 2026.

Skuadra e përbërë thuajse plotësisht me lojtarë moldave ka arritur kësisoj të thyejë diktatin e Sherif Tiraspolit në Moldavi dhe po afirmohet pak nga pak në arenën ndërkombëtare, pasi ajo merr pjesë në Kupat e Europës rregullisht që nga vitit 2018.

Kulmin e saj Petrokub e arriti në sezonin 2024-2025 kur luajti në fazën në grupe të Ligës së Konferencës, pasi ishte eliminuar në play-off të Ligës së Europës nga Ludogorets.

Në sezonin 2022-2023, Petrokub ka luajtur në Ligën e Konferencës kundër Laçit, duke barazuar 0-0 në Moldavi dhe duke fituar 1-4 në Shqipëri.

Skuadra kampione e Moldavisë, për shkak të kërkesave të UEFA-s, nuk i luan ndeshjet në stadiumin e saj por në atë të Kishinjevit.

Sot mund të lexoni Shfletoni kopertinat