Argjentina në epërsi pas pjesës së parë

Futboll

Argjentina në epërsi pas pjesës së parë

Më: 22 qershor 2026 Në ora: 20:55
Argjentina

Pjesa e parë e ndeshjes mes Argjentinës dhe Austrisë në Kupën e Botës është mbyllur me rezultatin 1-0 në favor të kampionëve të botës.

Njeriu i momentit ishte Lionel Messi, i cili në minutën e 38-të realizoi golin e avantazhit pas një asistimi të Facundo Medina. Ky gol kishte peshë historike, pasi e ngjiti Messin në kuotën e 17 golave në Botëror, duke e bërë golashënuesin më të mirë në historinë e Kupës së Botës dhe duke lënë pas legjendën gjermane Miroslav Klose.

Argjentinasi mund ta kishte thyer rekordin edhe më herët, por në minutën e 9-të humbi një penallti të fituar pas ndërhyrjes së VAR-it. Megjithatë, kapiteni argjentinas reagoi si kampion dhe gjeti rrugën e rrjetës para pushimit mes dy pjesëve.

Pas 45 minutave të para, Argjentina është në rrugën e duhur drejt një tjetër fitoreje, ndërsa Messi vazhdon të shkruajë historinë e futbollit botëror.

Sot mund të lexoni Shfletoni kopertinat