Garnacho i hap derën largimit nga Chelsea, Roma e pret me krahë hapur

Futboll

Garnacho i hap derën largimit nga Chelsea, Roma e pret me krahë hapur

Më: 11 korrik 2026 Në ora: 14:35
Alejandro Garnacho

Alejandro Garnacho është i gatshëm të largohet nga Chelsea gjatë kësaj vere, nëse në adresë të klubit londinez mbërrin një ofertë për transferim të përhershëm.

Sipas gazetarit Fabrizio Romano, reprezentuesi argjentinas është i interesuar për një kalim te Roma dhe do ta mirëpriste transferimin në kryeqytetin italian.

Megjithatë, pengesa kryesore mbetet forma e marrëveshjes. Roma po shqyrton vetëm një huazim fillestar, ndërsa Chelsea nuk është i gatshëm të negociojë një largim të përkohshëm.

“Blutë” janë të hapur vetëm për një shitje të përhershme të 21-vjeçarit, çka e bën të vështirë arritjen e një marrëveshjeje në këtë fazë.

Mbetet të shihet nëse Roma do të ndryshojë qasjen e saj me një ofertë përfundimtare, apo nëse Garnacho do të detyrohet të kërkojë një destinacion tjetër për të vazhduar karrierën.

Sot mund të lexoni Shfletoni kopertinat