Në ndeshjen e tij të parë pas huazimit te Lugano, Albian Ajeti shënoi golin e fitores për këtë skuadër kundër Servettes.
Tani, në ndeshjen e tij të dytë, ai do të përballet me ish skuadrën e tij FC Baseli.
“Albian Ajeti shënon golin e fitores për FC Lugano dy ditë pas transferimit të tij.
Albian Ajeti (29) nuk dëshiron të flasë.
Por me debutimin e tij të ëndrrave për FC Luganon, lojtari i huazuar nga FC Basel ka thënë mjaft.
Dy ditë pas transferimit të tij në Ticino, sulmuesit i duheshin vetëm 23 minuta për të shënuar golin e fitores në kohën shtesë, duke siguruar një fitore 1:0 për klubin e tij të ri kundër Servettes”, ka shkruar media zvicerane “Blick”.
Ndërsa Ajeti hesht, Renato Steffen flet: “Kur doli emri i tij, më pyetën edhe se çfarë lloj lojtari është. I thashë klubit se nëse na duhen gola, Albiani është njeriu i duhur për këtë punë”.
Ai ishte gjithashtu i vetëdijshëm se Ajeti kishte qenë së fundmi në një situatë të vështirë. “
Kështu që u përpoqëm ta integronim sa më shpejt dhe në mënyrë efektive të ishte e mundur. Ia dolëm mjaft mirë”, përfundon Steffen.
Trajneri i tij pajtohet. “Këtu në Lugano, na duhen lojtarë që janë të uritur.
Dhe ai është absolutisht i etur për të luajtur”, thotë Mattia Croci-Torti. Meqenëse Ajeti nuk ka luajtur 90 minuta të plota prej kohësh, gjendja fizike e sulmuesit nuk është kthyer ende në kulmin e saj. “Por statistikat nga e gjithë karriera e tij tregojnë se mund të mbështeteni tek ai”.
