Ibrahim Diabate shqetësoi tifozët më 4 shtator, kur në sfidën ndaj Skënderbeut u largua i dëmtuar.
Mesfushori i Egnatias ishte aktivizuar sapo filloi pjesa e dytë, ndërsa la fushën e blertë në minutën e 60-të.
“Panorama Sport” mëson se Diabate nuk ka asgjë serioze. Trajneri Nevil Dede nuk duhet të shqetësohet, teksa sfida e radhës është programuar në transfertë ndaj Elbasanit.
Me ekipin ndërkohë po stërvitet edhe Ledio Beqja i cili më parë mungonte për shkak dëmtimi.
Diabate ndërkohë është edhe pjesë e listës së Egnatias në Europë. 22-vjeçari nga Bregu i Fildishtë është afruar me shpresën për t’u kthyer surprizë në mesfushë.