Edi Martini gjithnjë e më larg Vllaznisë

Futboll

Edi Martini gjithnjë e më larg Vllaznisë

Më: 22 shtator 2026 Në ora: 11:37
Edi Martini dhe Alban Xhaferi

Edi Martini është gjithnjë e më pranë largimit nga drejtimi i Vllaznisë, teksa në Shkodër pritet që klubi të marrë së shpejti një vendim për të ardhmen e trajnerit.

Starti jo i mirë i sezonit dhe mungesa e një fitoreje në pesë javët e para kanë shtuar presionin mbi stafin teknik.

Ndërprerja e kampionatit po shfrytëzohet nga drejtuesit kuqeblu për të analizuar situatën dhe për të përcaktuar hapat e ardhshëm, ndërsa një ndryshim në stol duket një mundësi konkrete.

Nëse ndarja me Martinin zyrtarizohet,

Vllaznia do të rikthehet në kampionat me një trajner të ri dhe me synimin për të reaguar pas rezultateve zhgënjyese.

Në listën e emrave që po shqyrtohen nga drejtuesit e klubit përmendet edhe Zekirija Ramadani, trajner shqiptar nga Shkupi me përvojë në futbollin rajonal dhe ish-trajner i Dritës, me të cilët u shpall kampion në Kosovë.

Megjithatë, vendimi përfundimtar ende nuk është bërë zyrtar dhe ditët në vijim pritet të sqarojnë nëse Martini do të largohet dhe kush do të marrë drejtimin e skuadrës shkodrane.

Sot mund të lexoni Shfletoni kopertinat