Dinamo e Ferizajt po kalon një periudhë të vështirë sa i përket rezultateve në Ligën e Parë të Kosovës në futboll.
Drejtuesit e klubit kanë vendosur ta shkarkojnë trajnerin Leotrim Krasniqi, pas humbjes së djeshme me rezultat 2:0 nga Istogu, në kuadër të javës së 13-të të kampionatit.
Lajmin e ka bërë të ditur vetë klubi përmes një njoftimi zyrtar.
“FC Dinamo Ferizaj njofton se ka vendosur të ndërpresë bashkëpunimin me trajnerin e ekipit të parë, Leotrim Krasniqi.
Klubi e falënderon trajnerin Krasniqi për angazhimin, punën dhe kontributin e dhënë gjatë kohës sa ishte pjesë e skuadrës sonë.
I urojmë shëndet dhe shumë suksese në vazhdim të karrierës profesionale.
Faleminderit, Leotrim!”.
Pas javës së 13-të, Dinamo e Ferizajt renditet në vendin e shtatë me 20 pikë.