Fisnik Asllani: Është një ndeshje e madhe

Futboll

Fisnik Asllani: Është një ndeshje e madhe

Më: 3 nëntor 2026 Në ora: 21:43
Futbollisti Fisnik Asllani

Futbollisti Fisnik Asllani dhe skuadra e tij, Hoffenheim, po përgatiten për një sfidë të rëndësishme në Londër, ku të enjten, nga ora 18:45, do të përballen me Crystal Palace, në kuadër të xhiros së katërt të Ligës së Evropës.

Skuadra gjermane synon të regjistrojë fitoren e dytë në këtë garë evropiane, ndërsa sulmuesi i Kosovës, Fisnik Asllani, është gati për këtë përballje.

Në prag të ndeshjes, Asllani ka theksuar rëndësinë e kësaj sfide dhe nevojën që skuadra të tregojë potencialin e saj më të mirë.

“Duhet ta tregojmë anën tonë më të mirë kundër Crystal Palace.

Është një ndeshje e madhe dhe të gjithë mezi po e presin. Kjo është gjëja e mirë e ndeshjeve gjatë mesjavës, sepse kemi mundësi të përmirësohemi shumë shpejt” - ka deklaruar Asllani, citon portali “bundesliga.com”.

Sa i përket renditjes, Crystal Palace pozicionohet në vendin e 15-të me katër pikë, ndërsa Hoffenheim gjendet në pozitën e 23-të me tri pikë.

Sot mund të lexoni Shfletoni kopertinat