Raportimi rrëqethës i gazetarit të huaj nga Reçaku në vitin 1999

Lajme

Raportimi rrëqethës i gazetarit të huaj nga Reçaku në vitin 1999

Më: 28 dhjetor 2020 Në ora: 10:36
Pamje nga video

Nga raportimet e tij, bota u njoh me krimin që ndodhi në Reçak

 “Kosova sot është një Bosnje e dytë”. Kështu e kishte cilësuar gjendjen në Kosovë në vitin 1999, gazetari i agjencisë ndërkombëtare të lajmeve ITN, i cili po raportonte nga Reçaku.

Ekipi i ITN, i kryesuar nga gazetari Bill Neely, kishte kapur skenat e para të forcave serbe që kishin hyrë në Reçak, e që më pas ishin shpërndarë në gjithë botën.

Neely kishe raportuar nga lugina ku ndodheshin 45 trupat e masakruar të shqiptarëve deri tek xhamia në të cilin kishin qendruar trupat e tyre kur ishin parë nga të afërmit.

Në pamje shihet se shpeshherë gazetari ishte detyruar të ndërpriste raportimin e tij nga të shtënat që dëgjoheshin shumë pranë.

“Ka pesë ditë që nuk po pushojnë të shtënat në këtë fshat, por edhe këtë herë nuk e dimë se kush është objektivi i tyre” raportonte Neely, duke ju referuar offensives së forcave serbe

“Situata po përkeqësohet çdo ditë dhe Kosova sot është një Bosnje e dytë, një fushatë terrori kundër popullsisë etnikisht të ndryshme”.

Raportimi i ITN-së mbyllej me vajtime nga Reçaku kur familjarët vizituan trupat e të vrarëve që ishin mbledhur në xhaminë e fshatit

Shfaq komentet
comments powered by Disqus
Sot mund të lexoni Shfletoni kopertinat