“Dikur vrante në emër të Hashim Thaçit”, ish-agjenti trondit Sabit Gecin

Lajme

“Dikur vrante në emër të Hashim Thaçit”, ish-agjenti trondit Sabit Gecin

Nga: N.Sh Më: 24 korrik 2021 Në ora: 12:10
Sabit Geci

Ish-eprori i lartë i UÇK-së dhe ish-agjenti i SHIK-ut, Naim Miftari, ka reaguar ndaj Sabit Gecit i cili ditë më parë ka thënë se, Hashim Thaçi ka mujt me i parandalua poshtërsirat që janë bërë në Kosovë, por tash edhe ai është në burg.

Këto deklarata Geci i ka bërë pas raportimit të ish-kryetarit të Asamblesë së Gjyqtarëve të EULEX-it, Malcom Simmons para deputetëve të Kuvendit të Kosovës.

E pas kësaj deklarate të Gecit, Naim Miftari thotë se, Geci dikur vriste në emër të Thaçit.

Sipas tij, Thaçi e kishte emëruar ilegalisht shef të Shërbimit Sekret të UÇK-së.

“Dikur vrante e kfjellte në emër të shefit të vet Hashim Thaçit, i cili e kishte emëruar ilegalisht shef të Shërbimit Sekret të UÇK në hije, por nuk po tregohet prapë i sinqertë (Qopa), e me pranua se Hashim Thaçi nuk i parandaloj këto gjëra negative pasi kishte agjenda tjetër i zbatonte agjendat e punëdhënëseve të vet, ata të shërbimit sekret Francez DGSE dhe të UDB Serbe e s’kishte kohë!”, shkruan Miftari në Facebook.

Image

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat