Bekteshi mbështetë përfaqësimin e Kosovës në CEFTA, pa UNMIK-un

Lajme

Bekteshi mbështetë përfaqësimin e Kosovës në CEFTA, pa UNMIK-un

Më: 16 dhjetor 2021 Në ora: 20:41
Kreshnik Bekteshi

Komiteti i Përbashkët i CEFTA-s mbajti dje mbledhjen e fundit për vitin 2021, por nuk arriti të zgjidhë çështjen e përfaqësimit të Kosovës pa UNMIK-un.

Si pikë e parë e rendit të ditës u paraqit për shqyrtim letra e Ministres së Industrisë, Ndërmarrësisë dhe Tregtisë së Republikës së Kosovës, Rozeta Hajdari, drejtuar kryesuesit të radhës së CEFTA-s, Kreshnik Bekteshit, Ministër i Ekonomisë i Maqedonisë së Veriut. Letra, e dërguar më 24 shtator 2021, kërkon që Republika e Kosovës të përfaqësojë veten në CEFTA pa përfshirjen e UNMIK-ut.

Shqyrtimi i letrës u kundërshtua nga përfaqësuesit e Serbisë dhe Malit të Zi, të cilët pretenduan se nuk kanë dhënë pëlqimin që letra të futet në rend të ditës, ndërsa Ministri Bekteshi si kryesues i mbledhjes, nuk lejoi që ndërhyrjet e ashpra dhe të vazhdueshme të palës serbe t’ia pamundësojnë Ministres Hajdari që të arsyetojë pjesëmarrjen e Kosovës si palë e barabartë, pa UNMIK-un.

Ministri Bekteshi vazhdon të mbështetë përfaqësimin dhe trajtimin e barbaratë me vendet e tjera të Republikës së Kosovës në të gjitha Konferencat apo organizimet e ndryshme ndërkombëtare!

Gjithashtu, Bekteshi ka shprehur gatishmërinë që ta ndihmojë shtetin e Kosovës edhe në sfidën me krizën energjetike!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat