Zbatimi i përdorimit i gjuhës shqipe, aty ku ishte para ligjit

Maqedonia

Zbatimi i përdorimit i gjuhës shqipe, aty ku ishte para ligjit

Më: 18 janar 2021 Në ora: 16:16
Foto ilustrim

Ndërkohë që Ligji i Gjuhëve në shumë Institucione në vend po zbatohet sipas dëshirës dhe jo siç parashikon rregullativa ligjore, në harresë të plotë është lënë edhe zbatimi i tij në sistemin e drejtësisë. Komisioni i Venecias në dhjetor të 2019 kishte dërguar përgjigje me rekomandimin se përdorimi i dygjuhësisë në gjyqësor do të ngadalësonte procesin. Partnerët e koalicionit ishin marrë vesh që ligji të mos ndryshojë, ndërsa premtuan se për 5 muaj do të përgatisin kapacitetet për zbatimin e të njëjtit në gjyqësor.

Neve edhe në ligjin aktual kemi një dispozitë e cila na jep mundësi deri në muajin prill, afat ky i cili na jep shansin që një numër të madh të çështjeve t’i zgjidhim. Kështu që mundet edhe pa ndryshime, e posaçërisht nuk na duhen tensione për Ligjin për përdorimin e gjuhëve- kishte thën Zaevi më 12.12.2019.

 Pra deri në prill kemi edhe 5 muaj kohë të mjaftueshme e cila nuk obligon asnjë ndikim të ligjit ndaj gjyqësorit dhe lëndëve. Është kohë e mjaftueshme për hartimin e kapaciteteve të duhura- kishte thënë Bujar Osmani më 12.12.2019.

Nga data kur Zaev e Osmani i referohen 5 mujori që kishin në dispozicion, ka kaluar më shumë se një vit. Ligji i gjuhëve në gjyqësor nuk ka filluar të zbatohet, madje as nuk janë nisur përgatitijet për krijimin e kapaciteteve. Kërkuam përgjigje se çka është ndërmarrë që të nisë zbatimi i ligjit në gjyqësor, por nga Qeveria nuk japin përgjigje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat