Karaxhovski: Java e ardhshme është vendimtare

Maqedonia

Karaxhovski: Java e ardhshme është vendimtare

Më: 26 mars 2021 Në ora: 20:23
Zharko Karaxhovski

“Është vendimtare java e ardhshme në pjesën e të sëmurëve, të shtruarve në spitale, të vdekurve dhe shtretërve spitalorë”, deklaroi sonte kryetari i Komisionit për Sëmundje Infektive Zharko Karaxhovski në emisionin “Vetëm intervistë” në televizionin Kanal 5.

“Ende nuk e kemi arritur maksimumin. Çdo virus respirator e ka aktivitetin e vet gjashtë deri tetë javë. Për momentin jemi te java e gjashtë. Është vendimtare java e shtatë në pjesën e të sëmurëve, të shtruarve në spitale, të vdekurve dhe shtretërve spitalorë”, tha Karaxhovski.

Ai tha se tani për tani vlerësimet e Komisionit për Sëmundje Infektive janë se nuk ka nevojë për vendosjen e masave kufizuese shtesë sepse me ta asgjë nuk do të arrihej.

Karaxhovski tha se për këtë shembull janë shtete fqinje që vendosën karantinë, por numri i të sëmurëve nuk u ul.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat