Mbi një mijë gjoba për tejkalim të shpejtësisë në të gjithë territorin e Maqedonisë

Maqedonia

Mbi një mijë gjoba për tejkalim të shpejtësisë në të gjithë territorin e Maqedonisë

Më: 24 maj 2021 Në ora: 14:12
Foto ilustrim

Në ditët e fundit, Ministria e Brendshme ka kryer kontrolle të intensifikuara të veprimit për të sanksionuar shoferët që ngasin me shpejtësi më të madhe se e lejuara.

Nga MPB thonë se kjo shkelje e trafikut është shkaku më i zakonshëm i aksidenteve me pasoja të rënda, dhe dje dhe pardje (e shtunë dhe e diel) janë gjobitur 1069 shoferë për tejkalim të shpejtësisë në territorin e të gjithë vendit.

“181 shoferë janë sanksionuar në territorin Kumanovës, 183 sanksione janë shqiptuar në territorin e SPB Manastir, dhe 157 sanksione në territorin e SPB Shkup. Kontrollet e intensifikuara vazhdojnë sot dhe në ditët në vijim, dhe zvogëlimi i numrit të aksidenteve të trafikut është i dukshëm në periudhën kur zbatohen këto kontrolle”.

“Si rezultat i masave të marra, numri i viktimave në aksidente trafiku është ulur, 2020 është viti me numrin më të ulët të viktimave (125). Gjatë vitit 2021, vazhdon trendi i zvogëlimit të numrit të aksidenteve të trafikut, si dhe numrit të viktimave. Në periudhën nga 1 janari deri më 15 prill 2021, numri i aksidenteve në trafik është ulur me 12 përqind krahasuar me të njëjtën periudhë të vitit të kaluar, dhe numri i viktimave është ulur me 14 përqind”, tha zëdhënësi i MPB-së, Toni Angelovski.

commentFirst article
Sot mund të lexoni Shfletoni kopertinat