Presidenti i Bullgarisë, Rumen Radev, i shprehu ngushëllime presidentit të Maqedonisë, Stevo Pendarovski, për aksidentin tragjik në Strumë të Bullgarisë, ku humbën jetën 46 persona.
Në emër të popullit bullgar dhe në emrin e tij, presidenti Rumen Radev shprehu ngushëllimet e tij të sinqerta për familjet dhe të afërmit e qytetarëve të viktimave në Republikën e Maqedonisë së Veriut, si dhe shpreson për shërim të shpejtë të viktimave të fatkeqësisë.
“Në këtë kohë të vështirë, Bullgaria dhe Republika e Maqedonisë së Veriut ndajnë pikëllimin, solidaritetin dhe ndjeshmërinë e përbashkët. Dhjetëra jetë të humbura janë një humbje e pafalshme për vendet tona vëllazërore”, thuhet në ngushëllimet e presidentit bullgar Radev.
Kreu i shtetit bullgar u bën thirrje institucioneve përgjegjëse që të përcaktojnë shkaqet që çuan në aksidentin e rëndë të trafikut, si dhe t’u japin në kohë të mbijetuarve mbështetjen e duhur.
Përndryshe, sot në vendin e quajtur Pernik në Bullgari ka ndodhur një aksident i tmerrshëm i një autobusi nga Maqedonia e Veriut.
Nga ky aksident tragjik, kanë humbur jetën 46 njerëz nga Maqedonia kurse rreth 20 prej tyre raportohet se kanë qenë të rinj.
