Ministri i Punëve të Brendshme, Oliver Spasovski, në konferencën e sotme për media tha se drejtuesit e mjeteve transportuese nuk mund t’i nënshtrohen provimeve për certifikatën e kërkuar në Qendrën Shtetërore të Provimeve sepse procedura për blerjen e softuerit të ri ka marrë kohë, përcjell Telegrafi Maqedoni.
Mbi 1.500 drejtues automjetesh presin t’i kalojnë këto provime, disa prej të cilave zgjasin tetë muaj dhe për këtë arsye kompanitë e tyre nuk mund të marrin patentat e kërkuara. Shumë institucione janë jofunksionale për shkak të prokurimit të parakohshëm të tenderit të shërbimeve softuerike për dhënien e provimeve të mbi 1.500 shoferëve dhe për t’iu përmbajtur rregullave ligjore.
Arsyeja e mosdhënies së provimit është për shkak se prokuroria hapi hetime ndaj Dragi Rashkovskit i cili nga pozita e Sekretarit të Përgjithshëm të Qeverisë, në gusht të vitit të kaluar nënshkroi marrëveshje me Invoka për mirëmbajtjen e sistemit elektronik për provimet shtetërore në 13 institucione. me vlerë 150 mijë euro.
“Sigurisht që është përgjegjësi e Qeverisë, e Sekretariatit të Përgjithshëm, kam informacione se tashmë është nënshkruar marrëveshja dhe do të fillojnë provimet. Për këtë duhet të ishte përzgjedhur paraprakisht një kontraktor, por kjo nuk mund të bëhet jashtë kuadrit ligjor.
Procedura nuk kryhet nga Ministria e Brendshme, por nga Sekretariati i Përgjithshëm. Duhet të ketë një procedurë, sepse do të ketë abuzim nëse nuk ka procedurë. Kjo na prek neve si MPB dhe është mirë që problemi tani është tejkaluar”, tha Spasovski.
Nga dita e hapjes së hetimeve kundër Rashkovskit, kompanitë e transportit nuk kanë mundësi të aplikojnë për certifikatë dhe në këtë mënyrë nuk mund marrin certifikatë nga patenta e automjetit. Ndërkohë qeveria ka shpallur tender për përzgjedhjen e një kompanie të re.
