Regjistrohen 342 raste të reja me COVID-19 në Maqedoni

Maqedonia

Regjistrohen 342 raste të reja me COVID-19 në Maqedoni

Më: 3 dhjetor 2021 Në ora: 14:27
Foto ilustrim

Ministria e Shëndetësisë në Maqedoni informon se në 24 orët e fundit janë bërë 2.349 testime për coronavirus, ndërsa 342 raste kanë rezultuar pozitiv.

Prej tyre në Shkup janë 135, Manastir – 35, Veles – 17, Prilep, Kavadar dhe Berovë – 16, Ohër – 15, Kumanovë – 13, Strumicë – 10, Shtip – 9, Koçani dhe Gjevgjeli – nga 8, Shën Nikollë dhe Resnjë – nga 6, Radovishi dhe Vallandova – nga 5, Dellçeva – 4, Gostivari, Kërçova, Negotino, Kriva Pallanka, Probishtip dhe Kratovë – nga 2, Tetova, Struga, Vinica, Demir Hisar, Demir Kapi dhe Dojran – nga 1.

Nga MSH thonë se në 24 orët e fundit kanë ndërruar jetë 7 pacientë të cilët kanë qenë pozitiv për COVID-19, ndërsa Instituti për Shëndet Publik ka regjistruar 348 pacientë të shëruar.

Me rastet e sotme numri i përgjithshëm i të infektuarve shkon në 216.670, prej të cilëve 201.017 janë shëruar, ndërsa 7.616 kanë ndërruar jetë.

Numri i rasteve aktive deri sot (3 dhjetor) është 8.037.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat