Alternativa sot duhet të merr vendim përfundimtar nëse do të jetë pjesë e qeverisë së Zaevit

Maqedonia

Alternativa sot duhet të merr vendim përfundimtar nëse do të jetë pjesë e qeverisë së Zaevit

Më: 4 dhjetor 2021 Në ora: 11:09
Afrim Gashi

Sonte do të merret vendim përfundimtar nëse Alternativa do të jetv pjesë e qeverisë, ndërsa vendimin do ta merr Këshilli Qendror i partisë.

Mbledhjes së Këshillit Qendror të Alternativës i paraprinë tre takime të Gashtit me kryeministrin Zaev ku u diskutua për pjesmarrjen e Alternativës në Qeveri.

Në takimin e fundit që u mbajt të mërkurën, nga Qeveria njoftuan se deri në fund të kësaj jave duhet të përfundojnë konsultimet e nevojshme në LSDM dhe Alternativë dhe të sigurohet pëlqimi i nevojshëm me qëllim që të arrihet marrëveshja për qeveri të përbashkët.

Kujtojmë se bisedimet për përfshirje të Alternativës në qeveri vijnë pas dështimit të opozitës për mosbesim të qeverisë dhe daljes së Lëvizjes Besa nga qeveria. Edhe Alternativa ishte pjesë e bllokut opozitar dhe dha nënshkrimet për mosbesimin e qeverisë, ndërsa të premten, kryesia qendrore e partisë i dha kryetarit Gashi autorizim të fillojë bisedimet me kryeministrin Zaev.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat