Ish-negociatori i qeverisë së RMV-së, Vllado Buçkovski për “BNT” komenton se ai ende beson se çelësi i përparimit midis Bullgarisë dhe Maqedonisë së Veriut është marrëveshja e vitit 2017.
Sipas Buçkovskit, deklarata e parlamentit të kaluar bullgar ka shkaktuar probleme në marrëdhëniet mes dy vendeve, nga ana tjetër, Bullgaria mendon se Maqedonia e Veriut nuk e përmbush marrëveshjen. Megjithatë, Shkupi mendon se deklarata nuk mund të ketë vlerë më të madhe se marrëveshja, sepse ajo është ratifikuar nga parlamentet e të dyja vendeve.
Për sa i përket infrastrukturës, sipas Buçkovskit, Shkupi ka bërë dy herë më shumë se Sofja, duke dhënë shembull me financimin e hekurudhës deri në Kriva Pallankë për të cilën janë siguruar 400 milionë euro.
Më pas, për 45 minuta më pak udhëtim nga Shkupi në Sofje në rrugën Rankovcë-Kriva Pallankë, dhe pjesa nga Kriva Pallanka deri në Deve Bair do të jetë gati deri në fund të vitit 2022.
Në të njëjtën kohë, thotë ai, duhet të bëhet lidhje me autostradën për në Shtip, e cila përmes Dellçevës dhe Bllagoevgradit duhet të ketë lidhje me Bullgarinë.
Sipas tij, asnjë nga bullgarët e Maqedonisë nuk i ka sinjalizuar Avokatit të Popullit të Maqedonisë së Veriut apo Komisionit për Diskriminim se të drejtat e tij janë të kufizuara në baza kombëtare.
