Zejdi: Nuk mora pjesë në kongresin e Alternativës sepse jam parimor

Maqedonia

Zejdi: Nuk mora pjesë në kongresin e Alternativës sepse jam parimor

Më: 15 maj 2022 Në ora: 16:06
Skender Rexhepi – Zejd

Deputeti i Alternativës Skender Rexhepi – Zejdi nuk ka marrë pjesë sot në kongresin e parë të partisë.

Ai ka folur për TV 21 për mungesën e tij, ku e ka justifikuar mospjesëmarrjen në këtë eveniment për shkak të parimeve të tija që ai i ka përmendur para pak ditësh në emisionin Click Plus.

Zejdi tha se qytetarët presin përgjigje konkrete për marrëveshjen paraprake që është bërë mes Alternativës dhe Qeverisë.

“Nuk mora pjesë në kongres pasi konsideroj që ashtu do të jem më parimor ndaj qëndrimeve të mia që i theksova publikisht para disa ditëve. Nga qëndrimet e mia publike, qytetarët meritojnë përgjigje konkrete dhe të detajuar si dhe kur do të realizohet marrëveshja Alternativë – Qeveri”, tha Zejdi.

Ndryshe, sot partia Alternativa e mban kongresin e parë në të cilin do të zgjedh kryetar të ri, ndërsa siç raportohet nga mediat Afrim Gashi do të jetë kandidati i vetëm për këtë post.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat