Të mërkurën skadon afati për marrëveshjen e pagave ndërmjet SASHK-ut dhe Qeverisë

Maqedonia

Të mërkurën skadon afati për marrëveshjen e pagave ndërmjet SASHK-ut dhe Qeverisë

Më: 16 maj 2022 Në ora: 17:46
Foto ilustrim

Nesër pritet të nënshkruhet marrëveshja mes Ministrisë së Arsimit dhe Shkencës dhe Sindikatës për Arsim Shkencë dhe Kulturë e cila do të jetë vendimtare nëse greva do të riaktivizohet ose jo.

Ministri i Arsimit, Jeton Shaqiri tha se qëndrimet e palëve ishin të afërta, por pa një vendim konkret.

Shaqiri nuk e përjashton mundësinë që viti shkollor të përfundojë më 10 qershor, por sipas tij materiali i mbetur do të plotësohet në fillim të vitit të ardhshëm shkollor.

Kryetari i Ohrit, Kiril Peçakov tha se të gjithë punëtorët në këtë komunë që kanë dalë në grevë do të marrin paga të plota pavarësisht vendimit të ministrive kompetente.

SASHK-u javën e kaluar ka pasur një takim me ministrin e Punës dhe Politikës Sociale, nga i cili kanë bërë të ditur se punëtorët e çerdheve që kanë dalë në grevë nuk do të marrin pagat e plota për muajin prill.

Nga SASHK thanë se kërkohet zgjidhje ligjore për rimbursimin e pagave të papaguara në muajt në vijim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat