Mariçiq dhe SÇE do të sigurojnë mbështetje institucionale për projektet e “Ballkanit të Hapur”

Maqedonia

Mariçiq dhe SÇE do të sigurojnë mbështetje institucionale për projektet e “Ballkanit të Hapur”

Më: 17 maj 2022 Në ora: 22:25
Bojan Mariciq

Qeveria e RMV-së në seancën e sotme ka miratuar vendim me të cilin udhëzohet zv. kryeministri për Çështje Evropiane dhe Sekretariati për Çështje Evropiane që të ofrojnë mbështetje institucionale për zbatimin e iniciativave dhe marrëveshjeve në kuadër të “Ballkanit të Hapur”, theksojnë nga shtypi i Qeverisë.

Ky vendim paraqet fuqizim të kapaciteteve institucionale për intensifikimin e zbatimit të projekteve në kuadër të kësaj nisme rajonale.

Koordinimi i “Ballkanit të Hapur” dhe iniciativave rajonale nga Qeveria realizohet nga Koordinatori Nacional për Ballkanin e Hapur dhe Iniciativa Rajonale, Marjan Zabrçanec dhe Koordinatorja Nacionale për Bashkëpunim Rajonal dhe Integrim Evropian, Nola Ismajloska-Starova.

Kryeministri Kovaçevski dhe Qeveria e Maqedonisë së Veriut janë nikoqire e Samitit të ardhshëm të liderëve për “Ballkanin e Hapur” që do të mbahet në gjysmën e parë të qershorit në Ohër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat