Punonjësit e IT-së me paga më të larta, të ardhurat e tyre janë mbi 80 mijë denarë

Maqedonia

Punonjësit e IT-së me paga më të larta, të ardhurat e tyre janë mbi 80 mijë denarë

Më: 21 maj 2022 Në ora: 14:08
Foto ilustrim

Rrogën më të lartë në Maqedoninë e Veriut marrin programerët nga sektori i IT-së, të cilët kanë tejkaluar pagën prej 80 mijë denarëve.

Ose konkretisht në fushën e programimit kompjuterik, konsulencës dhe aktiviteteve përkatëse, paga që është marrë në muajin mars ka qenë 80.128 denarë, ndërsa mesatarja nga tre muajt paraprak është 79.848 denarë. “Përdoruesit e kompjuterit” në shkurt të këtij viti kanë marrë pagë mbi 80 mijë denarë, kështu që në muajin mars ka pasur një rënie të lehtë.

Pas programerëve renditen aktivitetet e shërbimeve financiare, të cilët marrin pagë prej 56.260 denarëve, ndërsa në vendin e tretë të punësuarit në industrinë e telekomunikacionit, paga mesatare mujore e të cilëve është 51.536 denarë.

Pasojnë biznesi farmaceutik me paga mesatare prej 50.295 dhe aktivitete tjera profesionale, shkencore dhe teknike, ku pagat arrijnë në 50.184 denarë.

Ndryshe, paga mesatare në muajin mars ka arritur në 31.080 denarë, që është një rritje vjetore prej 10.1 për qind.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat