Pavle Trajanov: Alkooli në mesin e deputetëve ndikon në atmosferën në Kuvend

Maqedonia

Pavle Trajanov: Alkooli në mesin e deputetëve ndikon në atmosferën në Kuvend

Më: 28 qershor 2022 Në ora: 15:21
Pavle Trajanov

Deputeti dhe ish-ministri shumëvjeçar Pavle Trajanov për “Slopoden Peçat” duke komentuar incidentin e djeshëm në Kuvend ka thënë se në legjislaturën më të lartë po qarkullon shumë alkool dhe kjo ndër të tjera ka ndikim në atmosferën dhe sjelljen e përgjithshme të disa deputetëve.

“Mendoj se në tërësi kemi një kulturë të ulët sjelljeje. Jemi dëshmitarë të ofendimeve dhe zhvlerësimeve reciproke mes opozitës dhe pozitës. Përdoren të gjitha instrumentet e diskriminimit ndaj njëri-tjetrit. Niveli i komunikimit mungon dhe në njëfarë mënyre krijon mosbesim të ndërsjellë që shpesh rezulton me ofendime verbale, komente të pahijshme e ndonjëherë edhe zënka fizike. Disponueshmëria e alkoolit në Kuvend është arsye plus për një atmosferë të tillë”, thekson Trajanov.

Kryetari i Lidhjes Demokratike, Trajanov shton se as Kushtetuta dhe as ligjet në vend nuk kanë mundësi të sanksionojnë shpërthime të tilla të deputetëve.

Sipas tij, kjo nxit pandëshkueshmërinë dhe imazhin e keq tek qytetarët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat