Maqedonia e Veriut me bukën më të shtrenjtë në rajon

Maqedonia

Maqedonia e Veriut me bukën më të shtrenjtë në rajon

Më: 8 gusht 2022 Në ora: 18:32
Foto ilustrim

Çmimi i bukës në markete varion nga 50 deri në 95 denarë, varësisht nëse është bukë e thjeshtë, e bardhë apo integrale. Disa nga amvisat tashmë po mendojnë që bukën ta nisin ta gatuajnë vetë, por edhe kilogrami i miellit është rreth 50 denarë dhe po t’i shtosh edhe harxhimet e tjera, si për shembull rryma, qytetarët thonë se as ky opsion nuk është aq i lirë. Edhe një çerek byreku ka arritur në 75 denarë.

Sipas ekonomistit Branimir Jovanoviq, duhet të ketë kontroll të çmimeve dhe të rikthehet ngrirja e çmimeve. Kjo parandalon përshkallëzimin e inflacionit dhe ndihmon drejtpërdrejt njerëzit.

“Buka në shportën e konsumit në Maqedoni zë mjaft hapësirë, dhe nëse çmimi i bukës rritet, kjo shkakton një shkallë të lartë të inflacionit dhe së dyti, buka lidhet me çmimet e të gjitha produkteve të tjera, kështu që nëse buka shtrenjtohet, gjithçka tjetër do të bëhet më e shtrenjtë”, shpjegon Jovanoviq.

Krahasuar me vendet e rajonit, buka në Maqedoni është më e shtrenjta dhe është afër çmimit të bukës në vendet evropiane.

Serbia 29 denarë (çmim i ngrirë)

Kosovë 0.50 cent (30 denarë)

Greqia 0,83 cent (51 denarë)

Gjermani 1.23 euro (75 denarë)

Francë 1.53 euro (94 denarë)

Përgjigje kërkuam edhe nga Ministria e Ekonomisë, nëse planifikojnë të ngrijnë çmimin e bukës apodo të vazhdojë trendi i rritjes së çmimeve, por deri më tani nuk kemi përgjigje. Ndërkohë, është duke u zhvilluar korrja e grurit, për të cilën bujqit ankohen se çmimi i blerjes është i ulët dhe nëse duan të rrisin çmimin e bukës në mes të blerjes, do të kërkojnë çmim më të lartë për grurin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat