​Rritja e inflacionit në Maqedoninë e Veriut 10.9% në shtatë muajt e fundit

Maqedonia

​Rritja e inflacionit në Maqedoninë e Veriut 10.9% në shtatë muajt e fundit

Më: 10 gusht 2022 Në ora: 18:34
Foto ilustrim

Rritja e inflacionit në Maqedoninë e Veriut arriti në 10.9 për qind në periudhën janar-korrik 2022, tregojnë të dhënat e fundit të Bankës Popullore të Maqedonisë, të cilat tri të katërtat e kësaj rritjeje i shpjegojnë me rritjen e çmimeve të ushqimeve dhe energjisë.

Enti Shtetëror i Statistikave, nga ana tjetër, ka llogaritur se çmimet e konsumit në korrik janë rritur 14 për qind në baza vjetore, ndërsa kostoja e jetesës 16 për qind.

Banka Qendrore vlerësoi sot se nuk ka nevojë për një rritje të katërt të normës bazë të interesit, të cilën e mbajti në nivelin 2.5 për qind.

Në raportin e fundit tremujor, të publikuar në maj, Banka Popullore e Maqedonisë për këtë vit parashikoi inflacion prej 8.8 për qind, me rritje ekonomike prej 2.9 për qind.

Banka Popullore e Maqedonisë pret që inflacioni të stabilizohet në 3 për qind në vitin 2023 dhe rritja ekonomike të arrijë në 3.6 për qind vitin e ardhshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat