Kovaçevski: Në Maqedoninë e veriut për herë të parë do të prodhohen vetura elektrike

Maqedonia

Kovaçevski: Në Maqedoninë e veriut për herë të parë do të prodhohen vetura elektrike

Më: 11 gusht 2022 Në ora: 17:57
Dimitar Kovaçevski

Kryeministri Dimitar Kovaçevski njofton se për herë të parë në vend do të prodhohen vetura elektrike e-GO. Ai thekson se në seancën e sotme të qeverisë është miratuar përkrahja e qeverisë për realizimin e këtij investimi shumëmilionësh gjerman, i cili do të japë një kontribut të madh në ekonominë e Maqedonisë.

“Në TIRZ Tetovë po ndërtohet fabrika e parë në industrinë automobilistike, në të cilën për herë të parë do të prodhohen makina të plota elektrike. Me ndërtimin e fabrikës së re, ofrojmë vende të reja pune për qytetarët tanë, marrëveshje për bashkëpunim shtesë me kompani të tjera vendore, eksportim të produkteve me vlerë të shtuar të lartë, transferim të njohurive dhe teknologjive. Kjo është një mundësi për Maqedoninë e Veriut që të hartohet nga investitorë të huaj nga industria e automobilave”, vlerëson Kovaçevski.

Me këtë investim, shton Kryeministri, Qeveria po bën gjithçka për të siguruar një të ardhme më të mirë për qytetarët e Maqedonisë së Veriut.

Një investim shumëmilionësh i NEXT.E.GO MOBILE SE, Aachen, Gjermani në TIRZ Tetovë do të hapë 3000-4000 vende të reja pune.

“Përfitimet e këtij investimi janë të shumëfishta, nga hapja e vendeve të reja të punës, eksporti i produkteve me vlerë të shtuar të lartë, transferimi i njohurive dhe teknologjive, hartëzimi i vendit për investitorët e huaj në këtë fushë, deri te kontratat dhe punët shtesë për kompanitë vendase”, njoftuan më nga Qeveria.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat