Testohet pacienti nga Kërçova i dyshuar se ka lije të majmunit, rezultati publikohet sonte

Maqedonia

Testohet pacienti nga Kërçova i dyshuar se ka lije të majmunit, rezultati publikohet sonte

Më: 12 gusht 2022 Në ora: 17:09
Foto ilustrim

Personi nga Kërçova sot është testuar për linë e majmunit dhe aktualisht ndodhet në izolim, ka konfirmuar për Agjencionin Informativ të Maqedonisë, zëdhënësi i Komisionit për Sëmundje Infektive, Zlate Mehmedoviç.

“Pacienti nga Kërçova është kontaktuar sot dhe më pas është testuar nga Qendra e Shëndetit Publik në Manastir. Aktualisht është në izolim dhe rezultatet e testit i presim deri në orën 20:00”, ka shtuar Mehmedoviç.

Ky ishte pacienti i parë që dyshohej se kishte li të majmunit, por që refuzonte të testohej.

Kryetari i Komisionit për Sëmundje Infektive, Aleksandar Petliçkovski, në konferencën e fundit për media lidhur me këtë rast theksoi se nuk ka mundësi ligjore që të detyrohet personi që të testohet, sepse kjo nuk është sëmundje që pasohet me izolim të detyrueshëm, por është vetëm një rekomandim.

Por, siç tha ai, ekziston mundësia për të kërkuar mbikëqyrje shëndetësore.

commentFirst article
Sot mund të lexoni Shfletoni kopertinat