Punëdhënësit në Maqedoni kërkojnë subvencione shtetërore për pagesën e kontributeve ndaj punëtorëve

Maqedonia

Punëdhënësit në Maqedoni kërkojnë subvencione shtetërore për pagesën e kontributeve ndaj punëtorëve

Më: 26 shtator 2022 Në ora: 12:07
Foto ilustrim

Qeveria ende nuk i është përgjigjur nismës së punëdhënësve për të zgjatur masën për subvencionimin e kontributeve të sigurimeve shoqërore edhe pas datës 31 tetor.

Ligji për subvencionimin e kontributeve të sigurimeve shoqërore në bazë të rritjes së pagave u miratua në nëntor 2019 për të motivuar kompanitë që të rrisin pagat.

Sipas statistikave, paga mesatare nga nëntori 2019 deri në korrik 2022 është rritur me 23%, dhe për të njëjtën periudhë, paga minimale është rritur me 24%.

Nga Organizata e Punëdhënësve thonë se subvencionet variojnë mesatarisht nga 10 deri në 15% të kontributeve të llogaritura ose rreth 5% të totalit të pagës bruto.

“Nëse kërkesa jonë nuk pranohet, do të rriten shpenzimet operative dhe së bashku me krizën energjetike, sigurisht që kjo do të ndikojë në pagesën e rregullt të pagave dhe do të ndalojë rritjen e të ardhurave mujore”, thonë nga Organizata e Punëdhënësve.

Instituti për Kërkime Ekonomike Finance Think thotë se subvencionet duhet të ridizajnohen.

Finance Think vlerësoi në vitin 2017 se ekziston një grup i madh punëtorësh që janë të siguruar vetëm formalisht dhe ligjërisht me pagën minimale dhe shtesa u jepet “në dorë”, për të shmangur pagesën e taksave dhe kontributeve.

Një pjesë e rritjes së pagës mesatare në tre vitet e mëparshme ka ardhur pikërisht nga subvencionimi i kontributeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat