Mariçiq: Pres raport pozitiv nga Komisioni Evropian

Maqedonia

Mariçiq: Pres raport pozitiv nga Komisioni Evropian

Më: 3 tetor 2022 Në ora: 19:19
Bojan Mariçiq

Zv. kryeministri për Çështje Evropiane, Bojan Mariçiq, në konferencën e sotme për media ka bërë të ditur se raporti i Komisionit Evropian për progresin e vendit do të arrijë javën e ardhshme dhe se pret të jetë pozitiv, përcjell Telegrafi Maqedoni.

“Presim një raport pozitiv që padyshim do të jetë udhërrëfyesi ynë për reformat dhe aktivitetet e ardhshme, me të gjitha notat e tij të mira dhe më pak të mira. Ky do të jetë raporti i parë që nga fillimi i negociatave dhe nuk pres të ketë ndonjë surprizë”, tha Mariçiq.

Ai bëri të ditur gjithashtu se nga data 7 nëntor, me fillimin e takimeve dypalëshe, do të ketë një ndarje me ekipin negociator nga Shqipëria dhe se do të vazhdojmë veçmas skriningun dypalësh.

Përveç Mariçiqit, në konferencë ishte edhe eksperti i huaj, ish-negociatori kroat Vladimir Drobnjak, i cili bëri një pasqyrë të shkurtër të rrjedhës së negociatave në Kroaci dhe ndau përvojën e tij në negociatat me Bashkimin Evropian në fusha të ndryshme.

“Negociatat duhet t’i kuptoni si një transformim të shoqërisë, që sjell përfitime për të gjithë. Çdo vështirësi gjatë negociatave do të shpërblehet kur të merrni anëtarësimin në BE”, tha Drobnjak.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat