Lefkov: Kompania e Kovaçevskit mori 203 mijë euro ndihmë shtetërore

Maqedonia

Lefkov: Kompania e Kovaçevskit mori 203 mijë euro ndihmë shtetërore

Më: 5 tetor 2022 Në ora: 18:05
Mile Lefkov

OBRM-PDUKM-ja ka vazhduar me akuzat ndaj kryeministrit Dimitar Kovaçevski për lidhjet e tij me kompaninë “Pikcell Croup”. Deputeti Mile Lefkov sot deklaroi që në ditën që Kovaçevski është emëruar si mandatar për formimin e qeverisë, kjo kompani ka marrë ndihmë shtetërore prej 203 mijë eurove.

“Vetëm një ditë pasi Kovaçevski u bë mandatar për përbërjen e qeverisë së re, më 29 dhjetor të vitit të kaluar, kompania Pikcell Group, që është themeluar pikërisht nga ai, mori ndihmë shtetërore prej mbi 203 mijë eurove.

Pra, Kovaçevski me mandat si kryeministër, ndërsa Pikcell-i i tij merr ndihmë shtetërore prej 203 mijë eurove.

Kjo është pagesa më e madhe nga një seri pagesash prej mbi gjysmë milion eurove të bëra nga Qeveria dhe FIZHT për Pikcell Group të themeluar nga Kovaçevski në periudhën 2019-2021”, deklarojnë nga OBRM-PDUKM.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat