Aleanca për Shqiptarët ende nuk ka marrë një ofertë konkrete për të hyrë në Qeveri, por ende lënë hapësirë për veprime të mundshme.
Deputeti i ASH-së, Halil Snopçe, mbrëmë në “ClickPus” theksoi se për të folur realisht për hyrjen në Qeveri, shumica aktuale duhet të ofrojë diçka konkrete si ide dhe resore.
“Kemi takime në nivel deputetësh, por nuk mund të flasim për negociata të drejtpërdrejta kur nuk kemi një ofertë konkrete. Aleanca për Shqiptarët ende nuk ka një ofertë konkrete për të hyrë në Qeveri”, tha Snopçe.
Për hyrjen e mundshme të Aleancës në Qeveri, dje ka folur edhe lideri i BDI-së, Ali Ahmeti. Ai theksoi se qëllimi i një ideje të tillë është të sigurojë “përqendrim në integrimet evropiane”.
