Cërvenkovska jep dorëheqje nga posti i kryetares së Këshillit Gjyqësor

Maqedonia

Cërvenkovska jep dorëheqje nga posti i kryetares së Këshillit Gjyqësor

Më: 29 nëntor 2022 Në ora: 12:25
Pavlina Cërvenkovska

Në seancën e sotme të Këshillit Gjyqësor, kryetarja Pavlina Cërvenkovska dha dorëheqje nga pozita në të cilën ishte zgjedhur në prill të vitit të kaluar.

“Po e njoftoj opinionin se po jap dorëheqje nga pozita e kryetarit të Këshillit Gjyqësor të RMV-së.

Menjëherë pas zgjedhjes sime në këtë post, filloi një ndjekje mediatike me qëllimin përfundimtar të dorëheqjes sime, sepse zgjedhja ime për kryetare nuk i përshtatej një grupi të elitës gjyqësore-biznesore. Deri më sot, ndjekja nuk është ndalur përmes shpërndarjes së informacioneve të rreme për gazetarët, dhe proceset e brendshme në Këshill, të cilat janë të një rëndësie kyçe për detyrat e kryera me sukses dhe për funksionimin e gjyqësorit, janë penguar dhe vonuar vazhdimisht”, deklaroi Cërvenkosvka.

Siç thotë Cërvenkovska, u bë për keqardhje që, siç thotë ajo, “në vend që t’i përkushtohemi aktiviteteve dhe reformave dhe përmirësimit të gjendjes në gjyqësor, për dikë u bë më e rëndësishme se si të më sulmojë mua dhe si të dëmtojë projektet”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat