Ahmeti takoi ambasadoren e SHBA-së, diskutuan mbi misionin e integrimit në BE

Maqedonia

Ahmeti takoi ambasadoren e SHBA-së, diskutuan mbi misionin e integrimit në BE

Më: 6 dhjetor 2022 Në ora: 17:38
Kryetari i Bashkimit Demokratik për Integrim, Ali Ahmeti

Kryetari i Bashkimit Demokratik për Integrim, Ali Ahmeti, sot u shpreh se me ambasadoren e re të Shteteve të Bashkuara të Amerikës, Angela Aggeler gjatë takimit në Kuvend, reflektuan mbi rrugëtimin e miqësisë, ngadhënjimin e përbashkët në misionet e paqes, zhvillimit demokratik, barazisë, integrimit në NATO.

Ahmeti potencoi se me Aggeler diskutuan mbi misionin e integrimit në Bashkimin Europian dhe përkrahjen e konfirmuar të SHBA-ve për finalizimin e suksesshëm të këtij rrugëtimi.

“Shprehëm se imperativ i padiskutueshëm i vendit është miratimi i ndryshimeve kushtetuese, përkushtimi institucional për realizimin e reformave, lufta kundër krimit dhe korrupcionit përmes një procesi të vetingut gjithëpërfshirës për çdo politikanë, gjyqtar dhe prokuror.”, shkroi Ahmeti në Facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat