Gjatë ditës së djeshme policia e rajonit të Pollogut ka arrestuar një 46-vjeçare nga Gostivari pasi e njëjta dyshohet se ka kryer vjedhje në një objekt tregtar.
“Me datë 22.05.2023 rreth orës 20:30 në rrugën “Hekurudha” në Gostivar, zyrtarë policorë të SPB-Tetovë, Departamenti i Punëve të Brendshme Gostivar, kanë privuar nga liria 46-vjeçaren S.Gj. nga Gostivari.
Ajo dyshohet se ka kryer një vjedhje në një objekt tregtar në Gostivar, gjatë së cilës ka marrë disa sende.
Gjërat e vjedhura janë gjetur dhe i janë kthyee pronarit”, thonë nga MPB.
