Prokuroria Themelore Publike në Shkup lëshoi urdhër për procedurë hetimore kundër një shtetasit turk të moshës 35-vjeçare, i cili dyshohet se për tentim vrasje.
Pas mesnatës në afërsi të Klubit të Deputetëve, ai me dashje ka tentuar të privojë nga jeta një tjetër shtetas turk duke e goditur disa herë me një kapak të pusetës në kokë, raporton Alsat Maqedoni.
Edhe pse i lënduari humbi ndjenjat, sulmuesi vazhdoi ta godiste me shqelma në kokë dhe trup, madje ai nuk ndaloi as pas mbërritjes se policisë duke vazhduar dhunën e egër.
Prokuroria theksoi se ekziston rreziku i arratisjes së 35-vjeçarit, pasi nuk ka vendbanim të regjistruar në Maqedoninë e Veriut dhe për këtë qëllim u propozua caktimi i masës së paraburgimit.