Mexhiti: 37 milionë denarë për projekte infrastrukturore në Çair

Maqedonia

Mexhiti: 37 milionë denarë për projekte infrastrukturore në Çair

Më: 3 gusht 2025 Në ora: 17:58
Izet Mexhiti

Zëvendëskryeministri i parë i Maqedonisë së Veriut, Izet Mexhiti, ka njoftuar nisjen e një prej projekteve më të rëndësishme infrastrukturore për Komunën e Çairit.

“Sot, bashkë me Zekën dhe Bekimin, ishim në terren. E pamë nga afër përgatitjen e këtij projekti kapital. Do të rikonstruktohen të gjitha rrugët e lagjes dhe do të vendoset ndriçim publik i ri”, tha Mexhiti.

Ai bëri të ditur se vlera e këtij investimi është 37 milionë denarë, të siguruara nga thirrja e dytë e Qeverisë për investime kapitale.

“Punimet do të nisin menjëherë pas përfundimit të procedurës së tenderimit dhe do të realizohen në një fazë të vetme “për të kursyer kohë dhe para”. Çairi meriton më shumë. Dhe do ta ketë!”, theksoi Mexhiti.

comment Për komente lëvizni më poshtë
Sot mund të lexoni Shfletoni kopertinat