Aksion i përbashkët Policisë dhe Prokurorisë, arrestohet një person për zhvatje

Maqedonia

Aksion i përbashkët Policisë dhe Prokurorisë, arrestohet një person për zhvatje

Më: 15 shtator 2025 Në ora: 19:57
Foto ilustrim

Më 14.09.2025, rreth orës 17:25, në një kompleks tregtar në rrugën “Kliment Ohridski” në Manastir, në një aksion të përbashkët dhe të koordinuar të Prokurorisë Themelore Publike Manastir dhe Sektorit për Punë të Brendshme Manastir, është ndaluar D.G. (42) nga Manastiri.

Kjo për shkak të dyshimeve për kryerjen e veprës penale “zhvatje”, e dënueshme sipas nenit 258 të Kodit Penal.

Ai dyshohet se gjatë viteve 2024 dhe 2025, në disa raste ka kërkuar para me kërcënime nga një person tjetër nga Manastiri, për shërbime dhe nevoja të ndryshme.

Pas masave dhe aktiviteteve të ndërmarra, ai është kapur në momentin e marrjes së parave nga viktima, pas çka është arrestuar dhe dërguar në stacion policor.

comment Për komente lëvizni më poshtë
Sot mund të lexoni Shfletoni kopertinat