KSHZ, KSHPK dhe ESHR nënshkruajnë Memorandum bashkëpunimi për zgjedhjet lokale

Maqedonia

KSHZ, KSHPK dhe ESHR nënshkruajnë Memorandum bashkëpunimi për zgjedhjet lokale

Më: 18 shtator 2025 Në ora: 12:13
Komisioni Shtetëror i Zgjedhjeve (KSHZ)

Komisioni Shtetëror i Zgjedhjeve (KSHZ), Komisioni Shtetëror për Parandalimin e Korrupsionit (KSHPK) dhe Enti Shtetëror për Revizion (ESHR) kanë nënshkruar Memorandum për bashkëpunim në prag të Zgjedhjeve të ardhshme lokale.

Siç kumtoi KSHZ-ja, me këtë memorandum, tre institucionet e përforcojnë përcaktimin e tyre për bashkëpunim të drejtpërdrejtë, koordinim dhe ndihmë të ndërsjellë gjatë realizimit të dispozitave për financimin e fushatës zgjedhore, këmbimin e informatave dhe të dhënave, si dhe veprimin me kohë për parregullsi eventuale.

“Theks i veçantë është vendosur në transparencën e financimit të fushatës zgjedhore përmes këmbimit të rregullt të raporteve financiare, si dhe në aktivitetet e përbashkëta për avancimin e respektimit të rregullativës zgjedhore me qëllim të zbatimit të zgjedhjeve të lira, korrekte dhe demokratike. Memorandumi parashikon edhe bashkëpunim të ndërsjellë në pjesën e veprimit sipas parashtresave, ankesave dhe veprimeve tjera me interes të përbashkët, konsultime dhe këmbim të përvojave, si dhe krijimin dhe implementimin e projekteve të përbashkëta”, thuhet në kumtesën e KSHZ-së.

Me nënshkrimin e këtij dokumenti, siç thuhet, KSHZ-ja, KSHPK-ja dhe ESHR-ja dërgojnë porosi të qartë për vendosmërinë me tyre për të siguruar proces kredibil zgjedhor dhe ta rrisin besimin e qytetarëve në institucione dhe zgjedhjet.

comment Për komente lëvizni më poshtë
Sot mund të lexoni Shfletoni kopertinat