Ugrinov: Vetëm 2-3 posta private i plotësojnë kushtet në Maqedoni, të tjerat duhet të mbyllen

Maqedonia

Ugrinov: Vetëm 2-3 posta private i plotësojnë kushtet në Maqedoni, të tjerat duhet të mbyllen

Më: 11 prill 2026 Në ora: 11:56
Nikollçe Ugrinov

Nga tridhjetë e ca posta private, vetëm 2-3 plotësojnë kushtet për punë dhe të tjerat duhet të mbyllen, tha në emisionin “Biznis 21” në TV21, Nikollçe Ugrinov, zëvendësdrejtor i Postës së Maqedonisë.

Ugrinov tha se këto posta punojnë pa letra fiskale dhe dëmtojnë Postën e Maqedonisë dhe buxhetin me praktika të padrejta.

“Shteti është humbësi më i madh këtu, sepse të gjithë e dini parimin: Alo, Nikollçe, unë jam para ndërtesës, dil të ta jap dërgesën. Shkon, do të hapë një i panjohur dritaren e një furgoni. Firmos këtu që e ke marrë dërgesën, më jep 150 denarë.

Kush ka mbikëqyrje të atyre 150 denarëve? A ka kupon fiskal, siç e japim ne? Nga tridhjetë e ca posta private në Maqedoni, sipas informacioneve të mija, janë 2-3 që i plotësojnë kushtet për punë. Të gjitha të tjerat janë për t’u mbyllur”, deklaroi Ugrinov, duke shtuar se për këtë tashmë është njoftuar qeveria dhe se priten masa konkrete.

comment Për komente lëvizni më poshtë
Sot mund të lexoni Shfletoni kopertinat