Edhe pse fillimisht nuk ishte ftuar, Kosova edhe zyrtarisht do të jetë pjesë e takimit të lartë për demokraci në SHBA. Këtë e ka bërë të ditur presidentja e Kosovës, Vjosa Osmani, ka konfirmuar se është ftuar të marrë pjesë në takimin e lartë për demokraci, që organizohet nga presidenti amerikan, Joe Biden.
“Falënderoj Presidentin Biden për ftesën në Samitin për Demokraci të organizuar nga Shtëpia e Bardhë si dhe vlerësimin për partneritetin e ofruar nga Kosova për të punuar drejt fuqizimit të shoqërisë demokratike që respekton të drejtat e njeriut, të cilat ia mundësojnë secilit qytetarë ta përmbush potencialin e vet. Pas takimeve produktive të javës së shkuar në Washington, në të cilat jam njoftuar se Kosova do të jetë pjesë e këtij Samiti, jam e nderuar ta pranoj ftesën nga Presidenti Biden”, ka shkruar Osmani teksa ka postuar edhe ftesën nga Joe Biden.
“Republika e Kosovës është shembull i ndritur i përpjekjeve të vazhdueshme për liri e demokraci. Si e tillë është model për rajonin tonë dhe më gjerë. Kosova do ta ndajë përvojën e saj të veçantë në ndërtimin e institucioneve dhe praktikave demokratike, në partneritet të jashtëzakonshëm me miqtë tanë ndërkombëtar – ku rol prijatarë kanë pasur Shtetet e Bashkuara të Amerikës”, shkruan ndër tjerash Presidentja, Vjosa Osmani.
E lidhur me ftesën e Kosovës në takimin e lartë për demokraci në SHBA, për gazetën “Bota sot” ka folur profesor, doktor Enver Bytyçi.
Edhe pse fillimisht nuk ishte ftuar, Kosova edhe zyrtarisht do të jetë pjesë e takimit të lartë për demokraci në SHBA. Këtë e ka bërë të ditur presidentja e Kosovës, Vjosa Osmani, ka konfirmuar se është ftuar të marrë pjesë në takimin e lartë për demokraci, që organizohet nga presidenti amerikan, Joe Biden.
“Falënderoj Presidentin Biden për ftesën në Samitin për Demokraci të organizuar nga Shtëpia e Bardhë si dhe vlerësimin për partneritetin e ofruar nga Kosova për të punuar drejt fuqizimit të shoqërisë demokratike që respekton të drejtat e njeriut, të cilat ia mundësojnë secilit qytetarë ta përmbush potencialin e vet. Pas takimeve produktive të javës së shkuar në Washington, në të cilat jam njoftuar se Kosova do të jetë pjesë e këtij Samiti, jam e nderuar ta pranoj ftesën nga Presidenti Biden”, ka shkruar Osmani teksa ka postuar edhe ftesën nga Joe Biden.
“Republika e Kosovës është shembull i ndritur i përpjekjeve të vazhdueshme për liri e demokraci. Si e tillë është model për rajonin tonë dhe më gjerë. Kosova do ta ndajë përvojën e saj të veçantë në ndërtimin e institucioneve dhe praktikave demokratike, në partneritet të jashtëzakonshëm me miqtë tanë ndërkombëtar – ku rol prijatarë kanë pasur Shtetet e Bashkuara të Amerikës”, shkruan ndër tjerash Presidentja, Vjosa Osmani.
E lidhur me ftesën e Kosovës në takimin e lartë për demokraci në SHBA, për gazetën “Bota sot” ka folur profesor, doktor Enver Bytyçi.
Enver Bytyçi
“Ishte një fushatë e shpifur ajo që ndodhi para dy javësh e deri kur u publikua lajmi se Kosova do të jetë pjesë e Konferencës për Demokraci në Shtetet e Bashkuara të Amerikës. Analistë pro-opozitës, këshilltarë të politikanëve të pasur të Kosovës, disa nga Kosova e disa të tjerë nga Shqipëria, por edhe analistë e politikanë pro-serbë u hodhën në aksion për ta shpallur qeverinë e Kosovës si qeveri anti-amerikane”, thotë Bytyçi.
Sipas tij, kjo lojë po synon dëmtimin e marrëdhënieve mes Kosovës dhe SHBA-së.
“Kjo lojë e përsëritur në kushte e rrethana të caktuara e të ndryshme nga njëra-tjetra e ka dëmtuar Kosovën dhe synon dëmtimin edhe të marrëdhënieve të saj me aleatin më të ngushtë, Shtetin Amerikan. Nuk është produktive të fryhen e të zmadhohen edhe rastet kur ka mospërputhje midis aleatit tonë të madh dhe Kosovës. Nuk është çdo JO anti-amerikanizëm! Kush i trajton marrëdhëniet Kosovë-Amerikë si të tilla, në fakt ndihmon ambiciet serbe për të armiqësuar shqiptarët me shtetin amerikan”, shprehet Bytyçi.
Ai thotë se ftesa nga Biden është përgënjeshtrim i akuzave për anti-amerikanizëm të qeverisë së Kosovës.
“Tani të vijmë te ftesa që iu bë autoriteteve të Kosovës për të marrë pjesë në Konferencën për Demokraci të organizuar nga presidenti amerikan, Joe Biden. Një nga ekspertët amerikanë e ka trajtuar mungesën e saj në fillim, si neglizhencë të atyre që merren me organizimin e konferencës. Kjo ftesë është përgënjeshtrim i akuzave të të paudhëve për anti-amerikanizëm të qeverisë së Kosovës. Ishte shprehje e miqësisë midis dy vendeve. Ishte ri konfirmim i faktit se Kosovën e rajonin tonë është model i demokracisë funksionale e në veprim. Ishte dhe është nxitje për një politikë të përbashkët strategjike në rajonin tonë”, deklaron profesor Bytyçi për gazetën “Bota sot”.
Më tej, Bytyçi thekson se fabrika e shpifjeve serbo-sllave sajoi një shpifje tjetër lidhur me ftesën e Vjosa Osmanit nga Joe Biden.
“Por edhe pse kjo ftesë është tashmë e njohur, fabrika e shpifjeve serbo-sllave sajoi trillimin tjetër. Thanë se ftesa për Kosovën e presidentit amerikan erdhi, se “Presidentja Osmani ka premtuar që të zgjerohet sipërfaqja e tokës në pronësi të manastirit të Deçanit”! Nga u nisën për këtë sajesë? Nga fakti se zoti Biden është takuar me popin e këtij manastiri kur ishte zv.presidenti i SHBA-ve dhe i ka premtuar atij mbështetje në kërkesat e tij. Punoi fantashkenca e institutit të thashethemeve të llojit të Beogradit dhe menjëherë thanë: “Ftesa erdhi në këmbim të këtij premtimi nga ana e presidentes Osmani”! Interesant! Sa herë dalin bllof me shpifje, nxjerrin nga furra e kësaj fabrike shpifjen e radhës!”, shpjegon Bytyçi.
“Kjo është luftë e llojit serb në Kosovë. Dhe e gjitha ndodhi për shkak se këto ditë zonja Osmani ishte në një konferencë në SHBA. Lidhja që krijohet është e besueshme. Derisa bëhet e besueshme, atëherë ia vlen të shpifësh. Mjafton që të zhvleftësohet ftesa serioze e presidentit amerikan. Njësoj siç ndodhi me orën e Presidentit Bush, të cilën Edi Rama e shpalli si orë që e vodhën shqiptarët në Fushë Krujë! Tmerr! Jemi vërtet për tmerr! Nuk dimë të ndalemi në asnjë stacion të së keqes. Megjithëse presidentja Osmani e dha përgjigjen për këtë, vazhdojnë mediat e Serbisë në Kosovë të përhapin shpifje të këtij lloji!”, deklaron Bytyçi për “Bota sot”.
Sipas tij, më e rëndësishmja është që Kosova do të jetë prezent në konferencën për demokraci në Uashington.
“Kjo konferencë konfirmon marrëdhëniet e shkëlqyera midis SHBA-ve dhe Kosovës dhe vlerësimin e Shtëpisë së Bardhë për demokracinë në këtë vend. Ndërkaq autoritetet e Kosovës që do të jenë pjesë e kësaj Konference do të shfrytëzojnë rastin për ta paraqit suksesin e shtetit demokratik para dhjetëra krerëve të shteteve e qeverive demokratike të botës! Ndërkaq do të shfrytëzojnë mundësinë që të kontaktojnë me kryetarë shtetesh të ndryshme dhe të përshfaqin sukseset e Kosovës në ndërtimin e shtetit të së drejtës”, nënvizon Bytyçi.
“Nga pikëpamja diplomatike do të lobohet për njohje të reja dhe pranimin e Kosovës në organizatat ndërkombëtare. Sigurisht që përfaqësuesit e qeverisë, presidencës dhe parlamentit do të duhet të përgatiten mirë për këtë pjesëmarrje, si dhe për të zhvilluar kontakte të rëndësishme në Uashington!”, përfundon për gazetën “Bota sot”, profesor, doktor Enver Bytyçi.