Fituesit në pritje të marrjes së pozitave/Maxharraj: VV-ja befasia e zgjedhjeve

Politika

Fituesit në pritje të marrjes së pozitave/Maxharraj: VV-ja befasia e zgjedhjeve

Nga: A.M. Më: 27 nëntor 2021 Në ora: 15:13
Ilustrim

Gjatë këtij muaji, kandidatët që fituan zgjedhjet lokale pritet t`i marrin pozitat e kryetarëve të Komunave.

Në këto zgjedhje, partia e cila e udhëheq shtetin nuk arriti që ta mbajë elektoratin që e votuan më 14 shkurt të këtij viti.

Ndryshe, zgjedhjet lokale u mbajtën më 17 tetor, kurse balotazhi më 14 nëntor.

Profesori Binak Maxharraj, në një prononcim për “Bota sot”, u shpreh se rezultati i Lëvizjes Vetëvendosje ishte befasia e këtyre zgjedhjeve.

“Më 17 tetor 2021 u mbajtën edhe zgjedhjet vendore, lokale të cilat ishin antipode me ato Parlamentare, jo për  nga mënyra e organizimit por për rezultatin befasues qe ndodhi, rezultat ky befasues edhe për skeptikët më të mëdhenj. Zgjedhjet lokale u mbajtën në një atmosfere të qetë demokratike por befasuan me rezultate. Befasia me e madhe ndodhi me LVV e cila në rundin e parë nuk e fitoi asnjë Komunë. Edhe raundi i dytë i votimeve ku garuan 21 komuna në balotazh LVV gati u përmbysë në shumicën e komunave, duke i fituar vetëm katra sosh, Gjilanin dhe nja tri te tjera jo fortë të rëndësishme”, ka thënë ai.

Sipas Maxharrajt, PDK-ja dhe LDK-ja i fituan komunat të cilat konsideroheshin favorite të Vetëvendosjes.

“PDK dhe LDK fituan pjesën dërmuese të komunave, bile i fituan edhe ato komuna të mëdha që konsideroheshin favorite të LVV dhe të cilat ishin në avantazh në rundin e parë me rezultat të ngushtë. Por befasi ishte edhe AAK e cila korri rezultat te papartishëm duke i fituar 5 komuna, bile edhe Gjakovën. Pra, me shumë se sa edhe LVV”, ka thënë ai.

Profesori i ka shpjeguar shkaqet se pse Lëvizja Vetëvendosje e arriti këtë rezultat në këto zgjedhje.

“Por pse ndodhi kjo befasi si është e mundshme kjo ti ndodhë LVV e cila ne zgjedhjet Parlamentare shkaktoi termet zgjedhor duke i votuar mbi 50% të elektoratit. Ku janë shkaqet e lëvizjes së këtilla të votuesve?!Pse, votuesit elektorati lëvizi nga partitë opozitare nuk qëndron fakti se ato për gjatë këtyre shtatë-tetë muajve sa janë në opozitë e bënë ndonjë reformë të brendshme”, ka thënë profesori Maxharraj për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat