21 Dhjetori i mblodhi në Tiranë tre liderët e projektit “Ballkani i hapur”, të Shqipërisë, Maqedonisë së Veriut dhe Serbisë.
Edi Rama, Aleksandër Vuçiq dhe Zoran Zave u bënë bashkë në disa takime dhe në një konferencë, ku nënshkruan edhe pesë marrëveshje në kuadër të kësaj nisme, e cila po kundërshtohet nga vendet e tjera të Ballkanit Perëndimor.
Të tre ata sërish bënë thirrje ndaj Kosovës dhe vendeve tjera që të bashkohen në “Open Balkan”.
E këtij projekti këtë herë i dha përkrahje edhe Komisionari i Bashkimit Evropian.
21 Dhjetori i mblodhi në Tiranë tre liderët e projektit “Ballkani i hapur”, të Shqipërisë, Maqedonisë së Veriut dhe Serbisë.
Edi Rama, Aleksandër Vuçiq dhe Zoran Zave u bënë bashkë në disa takime dhe në një konferencë, ku nënshkruan edhe pesë marrëveshje në kuadër të kësaj nisme, e cila po kundërshtohet nga vendet e tjera të Ballkanit Perëndimor.
Të tre ata sërish bënë thirrje ndaj Kosovës dhe vendeve tjera që të bashkohen në “Open Balkan”.
E këtij projekti këtë herë i dha përkrahje edhe Komisionari i Bashkimit Evropian.
Kjo u konfirmua nga Komisionari për Zgjerim, Oliver Varhelyi, përmes një komunikimi me Skype, derisa ju bëri thirrje tri vendeve të tjera të rajonit që t’i bashkohen kësaj nisme, pasi sipas tij, nëse nuk bëhen të gjithë bashkë në tryezë, përfitimet nuk do të jenë të plota.
“Ne në BE mendojmë se në bazë të rregullave të BE-së, çdo bashkëpunim rajonal është i mirëpritur, por edhe në të mirë të të dyja palëve. Do të ishte ideale që të gjendej një mënyrë për t’u kthyer në tregun e përbashkët rajonal. I ftoj tri partnerët e tjerë t’i kthehen këtij bashkëpunimi rajonal, sepse jo vetëm shton mundësitë për biznese, ofron shtim të punësimit, por mund të ndryshojë realitetet në terren. Realitetet në terren janë shumë të zymta. Nëse ka diçka që ju citoj kryeministri Rama, është se vetëm përmes bërjes konkrete të tregut të përbashkët rajonal, Ballkani mund të shtojë 1/3 rritje të PPB ekzistuese. Pjesa tjetër e PPB mund të arrihet përmes një përplotësuesi thelbësor, që është plani ekonomik, që BE e ka mbështetur”, tha Varhehyi.
Nga disa kritikë më të zëshëm në Kosovë dhe Shqipëri, kjo nismë përveç motiveve jo të sinqerta shihet, edhe si mundësi e Serbisë për të dominuar apo mbajtur të eklipsuara, ekonomitë shqiptare, të dy shteteve tona.
BE nuk ka pasur qëndrim pro këtij projekti, derisa ka pasur dyshime lidhur me të.
Se si komentohet tani ky qëndrim dhe pse BE po përkrah një ide të Serbisë, analistët kanë komentuar për gazetën “Bota sot”.
Kelmendi: Pse BE është pro "Ballkanit të hapur"
Profesori dhe juristi Muhamet Kelmendi, ka thënë se BE-ja nuk i del kundër iniciativave të shteteve që janë jashtë BE-së, derisa vlerëson se Ballkani Perëndimor është shumë larg BE-së.
“BE kurrë nuk del kundër iniciativave të shteteve që janë jashtë BE-së dhe që mbështeten në idenë e BE-së për bashkëpunim midis tyre. Ballkani Perëndimor është larg BE-së. Gjendet në Evropë, por larg, shumë larg BE-së. Nuk ka asnjë mundësi që të inkuadrohet kjo pjesë në BE. Ndoshta me ndryshime të thella në BE apo diku pas një decenie. Në këtë anë, nga BE-ja po përkrahen iniciativat që ofrojnë shtetet e Ballkanit në mes vete”, është shprehur ai.
Ai tregon pse BE-ja e përkrah “Ballkanin e Hapur”.
“BE mendon se "Ballkani i Hapur" e ndihmon integrimin e shteteve në mes vete dhe në këtë anë edhe në BE. Parimi i lëvizjes së lirë të njerëzve e të mallrave, me lehtësirat doganore dhe punësimin, janë edhe parime të BE-së. Këtu është edhe baza e mbështetjes”, ka vlerësuar profesori.
Kelmendi thekson se Kosova duhet të marrë pjesë në takimet e këtij projekti dhe aty ta thotë fjalën e vetë dhe të paraqitet si shtet.
“Për këtë kam qenë dhe jam që edhe Kosova të shkojë me takimet e këtij mekanizmi dhe aty ta thotë fjalën e vet. Pjesëmarrja në takime nuk ka karakter të anëtarësimit. Për më tepër, duhet të shërbejë ky takim për të dalë Kosova si shtet në përmbajtje dhe në formë kundruall shteteve në Ballkan. Me bazën e shtetit, për thonjëza, e me simbole të shtetit, pjesëmarrja në takim ka karakter shumë pozitiv dhe e detyron shtetin serb të veprojë. Kjo është pozitive”, ka deklaruar Muhamet Kelmendi për gazetën “Bota sot”.
Krasniqi: BE dëshiron ide që t’i shtyjë përpara agjendat e saj
Ndërsa, njohësi i çështjeve politike, Islam Krasniqi, ka thënë se BE-ja dhe Gjermania ishin deklaruar pro marrëveshjes së Berlinit dhe nuk e kanë përkrahur këtë projekt që duket se tani po e shohin si mundësi pajtimi në mes të vendeve të Ballkanit.
“BE-ja ka kërkuar nga vendet e Ballkanit Perëndimor që të respektojnë dhe përmbushin marrëveshjen e Berlinit, saktësisht shteti gjerman ishte deklaruar se duhet të përmbushin zotimet e marra nga marrëveshja e Berlinit, duke mos i dhënë prioritet aspak marrëveshjes lidhur me krijimin e Ballkanit të Hapur. Disa vende të Bashkimit Evropian, “Ballkanin e Hapur” po e shohin si një mundësi pajtimi në mes të vendeve të Ballkanit, që kjo nuk sjell asnjë rezultat për Republikën tonë, pos që mund të dëmtojë ekonomitë tona për shkak të fuqisë ekonomiko prodhuese që kanë”, ka thënë ai.
Sipas Krasniqit, BE-ja kërkon ide që mund ta shtyjnë përpara agjendën e tyre, ndërsa që ne derisa heshtim, nuk kemi as viza.
“Po BE-ja është e interesuar që t’i jap prioritet Ballkanit po ashtu ajo po kërkon apo pranon ide për të cilat ata mendojnë se mund të çojnë agjendën e tyre përpara, e ne përderisa rrimë të heshtur, BE-ja as regjimin e vizave nuk do ta largojë për qytetarët tanë”, ka deklaruar Islam Krasniqi për gazetën “Bota sot”.
Ndryshe, projekti “Ballkani i hapur” dhe vizita e Vuçiqit në Tiranë është kundërshtuar fuqishëm nëpërmjet një proteste të organizuar nga ish kryeministri Sali Berisha e shumë politikanë të PD-së, si dhe shumë qytetarë.