Prokuroria të hetojë korrupsionin e “Ibër Lepencit” për rrymën/ Hetime edhe për KEDS-in

Politika

Prokuroria të hetojë korrupsionin e “Ibër Lepencit” për rrymën/ Hetime edhe për KEDS-in

Majlinda Haziri Nga Majlinda Haziri Më 2 janar 2022 Në ora: 22:30
Foto ilustrim

Kriza energjetike evropiane dhe prodhimi i ulët vendor i energjisë elektrike janë arsyet kryesore për shkak të të cilave nuk ka dyshim se qytetarët do të paguajnë fatura më të larta për energji të harxhuar elektrike, me shumë gjasë nga janari i këtij viti.

Kriza energjetike në Kosovë u rëndua për shkak të prishjeve në disa termocentrale. Këto prishje provokuan krizë të thellë të mungesës së energjisë elektrike, që për disa ditë në disa lokacione kshte mungesë me orë të tëra, përveç reduktimit sipas orarit 6 me 2 (orë pa rrymë).

Në një seancë të jashtëzakonshme që u mbajt për krizën energjike të Kuvendit, ka folur ministri i Financave, Punës dhe Transfereve, Hekuran Murati, i cili veç tjerash e ka ftuar prokurorinë ta hetojë kontratën, siç tha ai të lirë të ndërmarrjes ‘Ibër Lepenci” për shitjen e rrymës me çmim shumëfishë më të lirë se sa që është në tregun ndërkombëar në këtë kohë krize.

“Në lidhje me angazhimin e prokurorisë, pajtohem që prokuroria do të duhej të fillonte hetimet për ndërmarrjen publike ‘Ibër Lepenci’ dhe kontratën që është nënshkruar për shitjen e energjisë nga Ujmani me çmim 38 euro. Duhet shikuar se kush e ka nënshkruar atë kontratë dhe çfarë procesi është zhvilluar në atë kontratë korruptive. Kur ne blejmë me çmim marramendës, kurse energjinë që e prodhon Ujmani shitet me çmim 38 euro me MËh”, u shpreh Murati.

Gjatë debatit, deputetët e partive në opozitë kanë akuzuar kryeministrin Albin Kurti për krizën energjetike.

comment Për komente lëvizni më poshtë
Sot mund të lexoni Shfletoni kopertinat